ANSWER:

સવાલ : મારાં લગ્નને પચીસ વર્ષ થશે. ઓવરઑલ સારી સેક્સલાઇફ રહી છે, પણ છેલ્લા કેટલાક સમયથી સંભોગ કર્યા પછી મને ખૂબ જ નબળાઈ લાગે છે. ક્યારેક નાઇટફૉલ પણ થઈ જાય છે. મને વડીલ મિત્રે સલાહ આપેલી કે સફેદ મૂસળી અને ગાયનું દૂધ લેવાથી ફાયદો થાય છે. આ ઉપરાંત ડુંગળીનો રસ અને મધ મિક્સ કરીને લેવાનું કહેલું. ખાસ્સો સમય આ મિશ્રણ લીધેલું, પણ કોઈ ફાયદો નહોતો થયો. તમારી કૉલમમાં ગાયનું ઘી પીવાનું કહો છો. શું એનાથી બળ વધે? ધાતુપુષ્ટિ થાય અને બળ વધે એ માટે શું કરવું જોઈએ? પુરુષોનું કામજીવન કેટલાં વરસ સુધી સક્રિય રહે? લાંબા સમય સુધી યુવાન રહેવા શું કરવું?

જવાબ : તમે તમારી ઉંમર નથી જણાવી, પણ લગ્નને પચીસ વર્ષ થયાં છે એટલે પચાસેક વર્ષની આસપાસ તો હશો જ. અમુક ઉંમર પછી સંભોગ પછી નબળાઈ લાગવી સ્વાભાવિક છે, કેમ કે સમાગમ કર્યા પછી શરીરના લૉન્ગ મસલ્સમાં સ્પૅઝમને કારણે થોડાક સમય માટે સ્નાયુઓનો દુખાવો અનુભવાય છે. આવી નબળાઈ દૂર કરવા માટે સમાગમ પછી ગરમ પાણીથી નહાવાનું રાખો. આપમેળે મસલ્સ રિલૅક્સ થશે અને થાક ઊતરીને ઊંઘ આવી જશે.

બીજું, ઊંઘમાં સ્ખલન થઈ જવું એ સૂચવે છે કે હૉમોર્ન્સ સંપૂર્ણ સ્વસ્થ છે. આને નાઇટફૉલ અથવા તો સ્વપ્નદોષ કહે છે. એ એક સ્વસ્થ શારીરિક ક્રિયા છે. જનનાંગોમાં ર્વીય સતત બનતું રહેતું હોય છે. એને મૈથુન અથવા હસ્તમૈથુન દ્વારા બહાર કાઢવામાં આવે છે. જો ર્વીયને બહાર કાઢવામાં ન આવે તો એ ઊંઘમાં જ સ્ખલિત થઈ જાય છે, કેમ કે ર્વીયનો લાંબા સમય સુધી સંગ્રહ કરવો સામાન્ય માનવી માટે શક્ય નથી. નાઇટફૉલથી કોઈ નુકસાન નથી થતું અને એટલે જ એની સારવારની કોઈ જરૂર નથી.

સફેદ મૂસળી, કાંદાનો રસ અને મધ જેવી ચીજો લેવા કરતાં શરીરને પૂરતો સંતુલિત આહાર અને વ્યાયામ આપો. જો પાચનશક્તિ સારી હોય તો અઠવાડિયામાં એક વાર ગાયના ઘીમાં હિંગથી વઘારેલી અડદની દાળ ખાવાનું રાખો. જો ઓવરઑલ થાક, નબળાઈ જેવું લાગતું હોય તો રેગ્યુલર હેલ્થ ચેકઅપ પણ જરૂરી છે.